Guhashtakam 

Śāntam śambhu-tanūjam satyam-anādhāram jagad-ādhāram

Jñātṛ-jñāna-nirantara-loka-guṇātītam guruṇātītam

Vallī-vatsala-bhṛṅgāraṇyaka-tāruṇyam vara-kāruṇyam

Senā-sāram-udāram praṇamata deveśam guham-āveśam. (1)

Viṣṇu-brahma-samarcyam bhakta-janādityam varuṇātithyam

Bhāvābhāva jagat-traya-rūpam-athārūpam jita-sārūpam

Nānā bhuvana-samādheyam vinutādheyam vara-rādheyam

Keyūrāṃga-niṣaṅgam praṇamata deveśam guham-āveśam. (2)

Skandam kuṅkuma-varṇam spandam-udānandam paramānandam

Jyotis-toma-nirantara-ramya-mahassāmyam manasā-yāmyam

Māyā-śṛṅkhala-bandha-vihīnam-anādīnam paramādīnam

Śokāpeta-mudāntam praṇamata deveśam guham-āveśam. (3)

Vyāḷa-vyāvṛta-bhūṣam bhasma-samālepam bhuvanālepam

Jyotiś-cakram-asarpita-kāyam-anākāya-vyayam-ākāyam

Bhakta-trāṇa-na-śaktyā yuktam-anudyuktam praṇayāsaktam

Subrahmaṇyam-aruṇyam praṇamata deveśam guham-āveśam. (4)

Śrīmat-sundara-kāyam śiṣṭa-janāsevayam sujaṭāsevayam

Sevā-tuṣṭa-samarpita-sūtra-mahāsatram nija ṣaḍ-vaktram

Pratyarthyānata pāda-saroruham-āvāham bhava-bhīdāham

Nānā yonim-ayonim praṇamata deveśam guham-āveśam. (5)

Mānyam munibhir-amānyam mañju-jaṭā-sarpam jita-kandarparm

Ākalpāmṛta-taraḷa-taraṅgam-anāsaṅgam sakalāsaṅgam

Bhāsā hyadharita-bhāsvantam bhavika-svāntam jita-bhīsvāntam

Kāmam kāma-nikāmam praṇamata deveśam guham-āveśam. (6)

Śiṣṭam śiva-jana-tuṣṭam budha-hṛdayākṛṣṭam hṛta-pāpiṣṭham

Nādānta-dyutim-ekam-anekam-anāsaṅgam sakalāsaṅgam

Dāna-vinirjita-nirjara-dāru-mahābhīrum timirābhīrum

Kālā-kālam-akālam praṇamata deveśam guham-āveśam. (7)

Nityam niyami-hṛdistham satyam-anāgāram bhuvanāgāram

Bandhūkāruṇa laḷita-śarīram-urohāram mahimāhāram

Kaumārī-kara pīḍita pāda-payojātam divi bhūjātam

Kaṇṭhe kālam-akālam praṇamata deveśam guham-āveśam. (8)